秋冬系列格子

多款適合秋冬穿著的布料已上市,首先推介兩款英倫味的格子給大家。

新一季秋冬布料現已推出

除了眾多款色和質料的House fabric、VBC、 Loro Piana等現有布料之外,我們今季還引入更多歐洲品牌如 Scabal、 Pal Zileri、 Scatex等等,歡迎參觀選購。

中秋節快樂

祝各位中秋節快樂,今晚將提前於六點關門,明天照常營業 。

西裝的細節(一)

度身訂製西裝的優勢,除了尺寸準確,布料、款式都可以自由搭配之餘,還有一些大家較少留意的細節都可以加以調整,例如翻領(Lapel)的選擇。 常見的領形有十字領(Notch), 劍領/魚咀領(Peak), 匙羹領(Shawl) 三種,分別適合不同場合、身形、臉形、西裝款式,今次就先從各方面為大家分享一下選擇Lapel的要點。 首先是最常見的十字領,感覺穩重,衣櫥第一套西裝首選的款式。 適用場合:日常上班、面試、休閒日 適用外型:所有體形、臉形,由於設計是最簡單,反而可強調本人的體格和自信。 搭配西裝:單襟(單排扣),各種顏色、條紋、格紋均可。 劍領給人較classic的感覺,復古味較濃,比十字領突出,而由於工序較繁複,所以以往有些師傅是要加錢的。 適用場合:較正式的宴會、婚禮、需要較突出自己的時候。 適合外型:由於劍領形狀有指向上的感覺,所以有令視覺向上移的效果,會有"增高"的作用,而形成的大V形更可令身形顯得修長,所以特別適合矮小和上身較橫的人士。 搭配西裝:單襟/雙襟,上班款、傳統禮服、英倫格仔。 跟以上兩款不同,匙羹領只適用於正式禮服,也是最隆重的一款。 適用場合:最隆重的宴會、新郎、伴郎、司儀、頒獎禮(最好是有得獎) 適合外型:只不適合臉圓和肥胖身形,因弧形的線條會形成雙重較果(double effect), 顯得更圓。 搭配西裝:傳統禮服 講完三款領形,還有兩樣重要的細節要留意,就是領寛(Lapel width) 和領高或稱串口線高度(Gorge height)。 雖然現時流行比較窄的領寬,但太窄的領會令臉形顯得更大,所以要按身形小心選擇比例。 領高亦會影響整體的視覺效果

人生第一套西裝的選擇(兄弟篇)

已經出來工作一段時間既男仕,可能因為工作種類或衣著習慣而從來唔著西裝,甚至去飲亦都係比足面恤衫加西褲。但當去到某些年紀,身邊D死黨開始結婚,幫手做兄弟一定走唔甩。第一個最直接既問題黎了,冇西裝!就算當年籠底果套搵得返出黎,身形又會唔會仲係當年個size呢....今次我地就幫大家度下做兄弟要整套咩西裝。 首先當然要睇下呀新郎哥有冇指定要求,通常都會係全黑或者全深色。(如果要玩五顏六色或者另類野,咁其實新郎應該會幫你搞掂曬,你只有接受就得。)揀全黑色的話,好處係夠一致性,而且諗住大部份人都會有一套,不過正如上篇畢業篇所提到,其實黑色因為太隆重,並唔係太適合平時著。不過既然主人家要求(或者佢包埋比你),咁做一套當看門口專for做兄弟都冇壞。款式變化不大,只可以做小小small details, 例如特別的領形或車線。 如果只係要求著深色,咁就應該造一套正裝的Dark blue、Navy或者炭灰呢D最流行的正裝色系,而且相信呢種潮流都唔會變得太快。款式無需花巧,只要最基本的formal suit就可以。但無論黑色或其他深色都好,在布料質素上和造工上更加應該有要求。 高質布料無論透氣度、重量、色澤、耐皺度都係平價布料比不上。如果你budget好充裕,可以考慮用一些歐洲名牌布料,質量當然有保證,但如要用到Zegna、Scabal等老牌布料,每套造價2,3萬係走唔甩。老實講,名牌布料唔同名錶,你用咩牌子係曬唔到比人睇,不過自我感覺良好係無價既.... 實際小小,其實只要識搵一間信得過既裁縫店(例如本店 ^^),一定推介到一款價錢合理而又高質既歐洲布料比你,幾千蚊就有交易。但如果太平又話係用

獨家設計的黑色禮服

這套獨家設計的黑色禮服,只在肩部做了小量併皮,可以令焦點集中於上身線條,而且由於設計簡約,更可以突顯到剪裁的合身。