人生第一套西裝的選擇（兄弟篇）

已經出來工作一段時間既男仕，可能因為工作種類或衣著習慣而從來唔著西裝，甚至去飲亦都係比足面恤衫加西褲。但當去到某些年紀，身邊D死黨開始結婚，幫手做兄弟一定走唔甩。第一個最直接既問題黎了，冇西裝！就算當年籠底果套搵得返出黎，身形又會唔會仲係當年個size呢....今次我地就幫大家度下做兄弟要整套咩西裝。

首先當然要睇下呀新郎哥有冇指定要求，通常都會係全黑或者全深色。（如果要玩五顏六色或者另類野，咁其實新郎應該會幫你搞掂曬，你只有接受就得。）揀全黑色的話，好處係夠一致性，而且諗住大部份人都會有一套，不過正如上篇畢業篇所提到，其實黑色因為太隆重，並唔係太適合平時著。不過既然主人家要求（或者佢包埋比你），咁做一套當看門口專for做兄弟都冇壞。款式變化不大，只可以做小小small details, 例如特別的領形或車線。

如果只係要求著深色，咁就應該造一套正裝的Dark blue、Navy或者炭灰呢D最流行的正裝色系，而且相信呢種潮流都唔會變得太快。款式無需花巧，只要最基本的formal suit就可以。但無論黑色或其他深色都好，在布料質素上和造工上更加應該有要求。 高質布料無論透氣度、重量、色澤、耐皺度都係平價布料比不上。如果你budget好充裕，可以考慮用一些歐洲名牌布料，質量當然有保證，但如要用到Zegna、Scabal等老牌布料，每套造價2，3萬係走唔甩。老實講，名牌布料唔同名錶，你用咩牌子係曬唔到比人睇，不過自我感覺良好係無價既....

實際小小，其實只要識搵一間信得過既裁縫店（例如本店 ^^），一定推介到一款價錢合理而又高質既歐洲布料比你，幾千蚊就有交易。但如果太平又話係用歐洲布，自己諗啦.....

識貨者一睇就分辨到你套西裝咩qua-li，一套靚西裝唔只反映到你有taste有要求，身份象徵亦好比名牌袋同名錶，而且價錢可能只係後者十分之一左右，絕對值得你投資。試諗下當好兄弟大日子，唔多唔少會撞返好多舊同學舊同事，甚至舊情人，你都唔想比人見到你著套膠西裝掛。