人生第一套西裝的選擇(畢業篇)

年輕的朋友買第一套西裝的原因不外乎係謝師宴、見工、去飲,但相信大部份人包括我自己都著不到這套西裝超過三次。其實如果對著西裝冇經驗,又冇專業意見,真係好難買到一套合心水又襟著既西裝。今次就特登綜合左我地專業stylist和裁縫師既經驗,幫大家揀人生第一套西裝。

本篇會先講下剛畢業的同學,大部份黎到我地店做西裝既時候,其實都冇咩idea要造一套點樣既西裝,咁我地就會首先幫佢由功能上入手,了解下究竟呢套衫既用途會係咩先。如果專門為了一個謝師宴或者party而做這套西裝,咁恭喜你,你既選擇好豐富,即管放膽做一套party suit!想搶眼成為焦點的話,不妨考慮一d 比較sharp 的顏色,例如天藍色,卡其色或米白色,甚至用上對比較大的格仔或條子面料。

另一選擇可以在黑、灰,深藍等比較穩陣的顏色為主,配上特別design的款式或small details,亦可突出你是有個性、自信的年青人。

但如果唔想只為左個party而著一次,又可以點呢? 考慮到套西裝以後要著去見工或者返工,咁係布料顏色上就比較局限,不過只要在一些正裝顏色(下文會再詳談)的基礎上,花點心思去配襯accessories, 例如一個印花的手造bow tie 或特色襟針,整個造型都可以非常stylish。

以上講既party suit, 目的都係要比大家有個一見難忘既感覺,但如果要做一套見工或平時返工著既西裝,效果就可能要相反了,試諗如果你著一套格仔西裝去返工,第一次當然大家讚你型,印象深刻,但當你第二日又著佢,難免會令人認為你一suit走天涯。所以當大家揀第一套西裝,而短期內又唔打算添置第二三套的話,建議大家都係先造一套正裝顏色。海軍藍(Navy blue)絕對係近年大熱的正裝色系,深灰/炭灰亦係穩陣之選

至於純黑色,好多人以為都係冇得輸系列,但其實只要留意下中環金鐘,或者歐美等高級商業地段,係好難見到純黑西裝既身影。純黑雖然比人正式既感覺,但如果著去見工返工,就會令人覺得你太死板嚴肅,好似制服,所以黑色都係留返做禮服先用吧。 下篇會再同大家傾下被邀請做兄弟的西裝選擇要點。

Promotion
Recent Posts
Archive