結婚男禮服的選擇

很多朋友都inbox問結婚的男禮服應該點揀，千頭萬緒，不知從何入手，今次就同大家分享下我地經驗所得的要點。

大家一諗起要做禮服，一般就會即刻考慮顏色，款式，budget等等，但其實應該要先順序考慮幾個問題；

1）婚禮形式？

2）Pre wedding 會否用到？

3）一共預備多少套？

4）日常會著？

5）婚莎顏色？

婚禮形式

如有教堂行禮或傳統中式婚禮（特別是敬茶給長輩）的環節，因形式上都比較莊重，所以必需有一套最正式最Grand的禮服，離不開是黑色或銀灰主色，配上絹面禮服領，無需太花巧，即大家平時在電影頒獎禮見到的款式。至於一d好誇張，左併右併，又印花，又綑邊的禮服，先不講流唔流行，一般人著其實較難carry，分分鐘成個造型會cheap曬，要小心！

而最近流行的簡化形式例如cocktail party，就不用太拘謹，可以考慮淺色三件頭西裝，或比較特別的格仔款式，感覺會輕鬆一d。這套亦可以在pre-wedding時著，整輯相會顯得活潑, 不會太死板。

Pre-wedding 影婚紗相/造多少套？

帶到第二點，如果要影埋婚紗相的話，其實基本都需要兩套禮服。一套隆重禮服款，另一套較casual的淺色或格仔。如果budget充裕，可考慮多一套formal的navy blue或淺灰色基本款三件套。或者平時都有一套上班款西裝的話（一定要fit身），可以只加一件馬甲，馬甲可以同色tone on tone或撞色以達不同效果, 這樣當配上不同攝影場景，造型都可以有相應變化，男仕來講這樣兩至三套已足夠了。

日後會著？

想一切從簡的朋友，覺得純粹為婚禮做兩套平時著唔返的西裝，太唔化算，咁就可以考慮做返一d日常可以著的顏色，例如上文提到的navy blue或較淡的格子款式，但緊記要配上馬甲，而且配飾上要花多點心思，否則就太單調，而且突出唔到主角的身分。

婚莎顏色

最後就要再配合下新娘婚莎的顏色，白色婚莎當然是百搭，粉紅色亦不難配襯 , 但如果是紫色、黃色、灰色等，男禮就要小心選色了。

講完以上幾點，希望幫到大家有較清晰的方向，但最好都係親自試上身，我地歡迎大家來感受下不同顏色、布料、款式，再提供意見令你揀到最適合的禮服。