一套合身既西裝的要素

March 28, 2020

 

上次同大家講到商務西裝嘅7大要素,今日想同大家分享下何謂合身,一套合身既西裝,著上身即刻加100分!!
不過要諗合身之前,冇追開我地貼士嘅朋友,建議先根據上一篇文章先了解自己想要什麼西裝搭配,然後先閱讀呢篇文章

1.衣領
首先可以由衣領睇起,無論西裝褸或恤衫,衣領要服貼頸但唔可以過緊,儘量睇落唔好同頸之間產生空隙。

2.肩膀
肩部是最影響成套西裝的整體觀感最重要的部位,因應每個人的習慣同身型,西裝肩膀處理方式大不相同。基本上著上之後要肩膀同手臂處無「凹陷」,如果有的話可能是肩寬太窄,或裝袖出了問題。而太闊的話就會變成舊式了,所以必須由師傅細心調整。

3.胸腰 及背部
最好嘅情況係呈現略微倒三角的身型,下襬處略略往外擴大,盡量避免過於誇張嘅皺褶及收腰,以線條流暢作為標準。西裝前胸必須貼合身體曲線,否則出現俗稱「爆胸」的情況就不合格了。背部亦不能太鬆或太緊,出現褶痕或太多多餘布都係唔靚。 而且西裝一著就可能著全日,亦幾乎日日要穿,著得舒服、唔會過窄而且保持形象穩重都同樣重要。

4.衣長↕
衣長部分很多人都會有個人意見,但其實都有若干標準,師傅會以虎口,褲浪,pat pat 和上下身比例等因數去計算,畢竟商務西裝除了要符合個人喜好,亦是要配合場合「著比人睇」,所以長度合適和正確都好重要。

5.衫袖
側面睇要有恰好嘅彎曲弧度,無多餘起皺,若有皺摺多數係因為袖子角度或鬆緊出錯,俗稱「裝得唔靚」,裝袖其實也是最考師傅功力的部位之一。袖長則應恰好露出「半吋」左右嘅襯衫為準,千其唔好老老套套諗住做短西裝袖去特登show返對cufflink甚至隻”撈力屎”出黎。

係咪好多野要留意呢,其實仲有好多細節未講得曬,商務西裝係好多男士番工既必需品,買西裝千其唔好衝動,唔係睇落合眼緣或者感覺夠新潮就得, 仲要根據以上條件去判斷。

下一次再同大家分享埋可以用作配搭商務西裝嘅其他元素。
想變成全公司最SHARP最醒既你,要記得繼續關注我地既專頁喇

 

Please reload

Promotion

初夏限時優惠

June 5, 2020

1/2
Please reload

Recent Posts
Please reload

Archive
Please reload