【一套真正屬於你嘅西裝，係點樣做出嚟？】

[合身]，從來唔係靠估出嚟。

喺我哋眼中，一套好西裝，

由第一釐米開始，就要為你度身細心考慮。

當中最重要嘅一步，就係中途試身。

呢個階段，我哋會做一件叫做 mock-up 嘅半成品，

用真布縫製，畀你提前試著，感受西裝嘅結構同線條。

但試身唔淨止為咗睇尺寸啱唔啱，

更係你同師傅之間嘅溝通橋樑。

鍾意修身啲，定想鬆動少少？

着落會唔會覺得束住？有冇邊啲位唔舒服？

都可以喺呢個時候慢慢講、慢慢試。

透過呢啲交流，師傅會逐步掌握你嘅穿著習慣與風格，

再細緻咁調整肩線、袖長、腰線、衣長等部位。

有時只係差一釐米，整體效果就已經大大唔同。

做衫其實同做人一樣，溝通好重要。

一套好西裝，從來唔係一次過搞掂咁簡單，

而係同你一齊傾、一齊試，

慢慢搵到屬於你自己嗰個 fit。

呢個，就係我哋所講嘅個人訂製。